«Oqjetpes» fýtbolshylary «Astanaǵa» qarsy oıyn aldynda psıhotrenıng ótkizdi
ASTANA. QazAqparat - Búgin «Oqjetpes» klýbynyń basshylyǵy «Astanaǵa» qarsy oıyn aldynda komandanyń jigerin janý maqsatynda psıhologııalyq jattyǵý ótkizdi, dep habarlaıdy «QazAqparat» HAA tilshisi.
«Oqjetpestiń» sport dırektory Fedor Sımınıdıdiń aıtýynsha, fýtbolshylar úsh dúrkin el chempıondaryna tabandy qarsylyq kórsetýge ázir tur. Alaıda komandanyń psıhologııalyq kúıi babynda bolmaǵandyqtan, bul maýsymda jeńilisten kóz ashpaı keledi. «Eki aı boıy jeńistiń tátti dámin tatpaǵan komandanyń kóńil kúıi de túsip ketken. Al búgin komanda jaqsy oıyn órnegin kórsetýi úshin psıhotrenıng ótkizýge sheshim qabyldap, Sporttyq medıtsına jáne dopıngke qarsy baqylaý departamentiniń dırektory Igor Melnıkovty shaqyrdyq. Ol shetelderde kóp tájirıbe jınaqtaǵan. Fýtbolshylarmen áńgimelesip, rýhyn kóterdi, olardy qyzyqty oıynǵa, jeńiske degen senimin arttyrdy», - dedi Fedor Sımınıdı.
Medıtsına ǵylymdarynyń kandıdaty Igor Melnıkovtiń aıtýyna qaraǵanda, mundaı jattyǵýlardy úzbeı ótkizip otyrý kerek. Óıtkeni, sportshynyń psıhologııalyq kúıi jarys nemese aıqas kezinde, dodaǵa túskende sheshýshi mánge ıe. Osy baǵytta Qazaqstanda da sońǵy kezderi aıtarlyqtaı jumystar atqarylyp keledi. «Qazaqstan Úkimeti sport medıtsınasyna da erekshe mán bere bastady. Qazir departamenttiń aldynda sportshylardyń tamaqtanýy, medıkamentter jáne sport dárigerleri men psıhologtaryn daıyndaý isinde birshama alǵa jyljý baıqalady», - deıdi ol.
Eske sala keteıik, Qazaqstan Premer-lıgasynyń 24-týry aıasyndaǵy keıinge qaldyrylǵan kezdesýde «Astana» - «Okjetpes» matchy búgin, saǵat 19:00-de «Astana Arena» stadıonynda ótedi.
