«Oqjetpes» fýtbol klýbynyń quramy serbııalyq jáne kamerýndyq legıonerlermen tolyqty
ALMATY. 17 aqpan. QazAqparat /Erlik Erjanuly/ - Bıyl Premer lıgaǵa qaıta oralǵan Kókshetaýdyń «Oqjetpes» fýtbol klýbyn óz quramyn da serbııalyq jáne kamerýndyq qorǵaýshylarmen nyǵaıtpaq.
Olar ótken maýsymda Birinshi lıgada 2-oryn alǵan edi. Endi komanda basshylyǵy Serbııa sýperlıgasyndaǵy «ıAvor» komandasynyń qorǵaýshysy Marko Mılovanovıch pen Horvatııanyń «Inter» klýbynyń jartylaı qorǵaýshysy Armand ıAnkeppen kelisimshart jasasty. 1982 jyly 12-tamyzda ómirge kelgen Marko ótken maýsymda Serbııa sýperlıgasynda 11-oryn alǵan «ıAvor» klýbynda sońǵy 3 jylda 73 match ótkizip, 2 ret qarsylastar qaqpasyn dál kózdegen bolatyn. Al 1985 jyly 17-jeltoqsanda Kamerýnda týylǵan Armand Horvatııa chempıonatynda byltyr 5-oryn alǵan «Inter» sapynda sońǵy 3 maýsymda 52 match ótkizip, onda bir mergendik tanytqan edi. Endi kókshetaýlyqtar 19-aqpanda sońǵy jattyǵý jıynyn ótkizý úshin Túrkııaǵa attanady. Olar buǵan deıingi jıynyn Belek qalasynda ótkizip, tynyǵý úshin Túrkııadan Qazaqstanǵa 12 aqpanda oralǵan bolatyn.
