«Oqjetpes» fýtbol klýbynyń bas jattyqtyrýshysy taǵaıyndaldy
KÓKShETAÝ. QazAqparat - Andreı Karpovıch Kókshetaýdyń «Oqjetpes» fýtbol klýbynyń bas jattyqtyrýshysy bolyp taǵaıyndaldy. Bul týraly QazAqparat kýlýbtyń saıtyna silteme jasap habarlaıdy.
Andreı Vladımırovıch Karpovıch 1981 jyldyń 18-shi qańtarynda Semeı qalasynda týǵan.
Kəsibı mansabyn «Elimaı» (Semeı), «Ertis» (Pavlodar), «Qaırat» (Almaty) tərizdi otandyq fýtbol klýbtarynda bastady. 2002-2003 jyldary reseılik «Rostov» komandasyna óner kórsetti.
2007-2008 jyldary məskeýdiń «Dınamo» klýby sapynda oınaıdy.
2009 jyly Astananyń «Lokomotıv» komandasyna aýysty. 2010 jyly «Aqtóbe» sapyna óner kórsetti.
2017 jyly almatylyq «Qaırat» fýtbol klýbynyń bas jattyqtyrýshysynyń kómekshisi, keıin bas jattyqtyrýshynyń mindetin atqarýshy boldy. «Qaırat» fýtbol klýbynyń sapynda 2018 jylǵy maýsymda Qazaqstan kýboginiń ıegeri atandy. «Oqjetpes» fýtbol klýbymen eńbek kelisim-sharty 2019 jyldyń sońyna deıin merzimge jasaldy.
Aıta keteıik, Kókshetaýdyń «Oqjetpes» fýtbol klýby 2018 jylǵy maýsymynda QR Birinshi lıgasynyń chempıony atanyp, premer lıgaǵa beriletin joldamany utyp alǵan bolatyn.
