«Oqjetpes» fýtbol klýby jańa bapker taǵaıyndady

ASTANA. KAZINFORM — Qazaqstandyq maman Rınat Alıýetov «Oqjetpes» fýtbol klýby bas bapkeri qyzmetine taǵaıyndaldy. 

Bul jóninde komandanyń baspasóz qyzmeti málim etti.

Rınat Alıýetov qazirge deıin Premer-Lıganyń «Jetisý», «Jeńis», «Turan» jáne «Kaspıı» klýbtarynda qyzmet atqardy.

2023 jyly «Elimaı» klýbynyń Birinshi lıgadaǵy chempıondyq maýsymynda bas bapkerdiń assıstenti bolyp, komandanyń jetistigine eleýli úles qosty.

Qazaqstandyq maman jas oıynshylardy damytýǵa erekshe kóńil bólip, «Altaı» fýtbol ortalyǵynda, «Jetisý» jastar komandasynda jáne Qazaqstannyń U-16 jasóspirimder quramasynda eńbek etti.

Aıta ketsek, ótken jyly komanda tizginin aldymen Andreı Ferapontov «Oqjetpes» komandasy ustap, shilde aıynda qyzmetinen ketti.

Al odan keıin bas bapker bolyp taǵaıyndalǵan Qaırat Nurdáýletov jaqynda Taldyqorǵannyń «Jetisý» komandasynyń tizginin ustady.

Ótken jyly kókshetaýlyq klýb Premer-lıgada 35 upaımen segizinshi orynǵa turaqtady.