«Oqjetpes» FK premer-lıgada 90 paıyz jańa qurammen oınaıdy
KÓKShETAÝ. QazAqparat - Kókshetaýdyń «Oqjetpes» fýtbol klýby «Oqjetpes» FK premer-lıgada 90 paıyz jańa qurammen oınaıdy. Bul týraly komandanyń sport dırektory Erjan Jámbirov aıtty, dep habarlaıdy QazAqparat tilshisi.
Klýb basshylyǵynyń aıtýynsha, premer-lıgada komandadaǵy joǵary nátıjege qol jetkizý mindettelip otyr. Sol úshin komandanyń sapyn tájirıbeli myqty oıynshylarmen tolyqtyrý jasparda bar.
«Premer-lıgada komanda oıynshylarynyń 90 paıyzy aýysady. Premer-lıga birinshi lıga emes. Sondyqtan, buǵan úlken jaýapkershilikpen qarap otyrymyz. Qańtardyń 7-21 kúnderi aralyǵynda Túrkııanyń Antalııa qalasynda birinshi oqytý-jattyǵý jıynyn ótkizemiz. Sonda jańa oıynshylardy qarap, komandanyń quramy jasaqtalatyn bolady. Onyń ishinde eń birinshi ózimizdiń premer-lıgadaǵy komandalarda óner kórsetip júrgen úzdik fýtbolshylar tartylady», deıdi Erjan Jámbirov.
Qazirdiń ózinde «Oqjetpes» komandasynyń jatyqtyrýshylar shtaby almatylyq «Qaırat» FK jattyqtyrǵan Andreı Karpovıchten bólek, eki mamanmen tolyǵyp otyr. Sonyń biri - Sergeı Lobanovskıı.
Aıta keteıik, osyǵan deıin habarlaǵanymyzdaı, búgin Kókshetaýdyń «Oqjetpes» fýtbol klýbyna bas jattyqtyrýshy bolyp taǵaıyndalǵan Andreı Karpovıch BAQ quraldaryna tanystyrylǵan edi.
