«Oqjetpes» FK basshylyǵy Andreı Karpovıchpen kelisim merzimin uzartty
KÓKShETAÝ. QazAqparat – Aqmola oblysynyń ákimi, oblystyq fýtbol federatsııasynyń prezıdenti Ermek Marjyqpaev «Oqjetpes» fýtbol klýbynyń basshylyǵy jáne negizgi komandanyń bas jattyqtyrýshysymen kezdesti. Bul týraly QazAqparat komandanyń áleýmettik jelidegi resmı paraqshasyna silteme jasap habarlaıdy.
Kezdesýde aımaq basshysy komandanyń bas jattyqtyrýshysy Andreı Vladımırovıchpen odan ári jumys isteı beretindigi týraly aıtty. Sonymen qatar, komandanyń aldaǵy maýsymdaǵy josparlary men mindetteri, óńirde áıelder men balalar fýtbolyn damytý perspektıvalary talqylandy.
Kezdesý sońynda aımaq basshysy «Oqjetpes» fýtbol klýbyna aldaǵy maýsymda tabysty oıyn órnegin kórsetip, jeńiske jete berýlerine tilektestik bildirdi.
Aıta ketý kerek, bıylǵy maýsymda fýtboldan QR Premer-lıgasynda tartymdy kezdesýler ótkizgen «Oqjetpes» komandasy týrnır kestesiniń 7-ornynan kórindi.
