«Oqjetpes» Birinshi lıganyń chempıony atandy
KÓKShETAÝ. QazAqparat - Kókshetaýdyń «Oqjetpes» fýtbol klýby QR Birinshi lıgasynyń chempıony atandy, dep habarlaıdy QazAqparat tilshisi.
Búgin Kókshetaýda QR Birinshi lıgasynyń 32-týrynda jergilikti «Oqjetpes» fýtbol klýby óz alańynda «Taraz» komandasyn qabyldady. Tartysty ótken kezdesýde alań ıeleri qonaqtardy 1:0 esep aıyrmasymen tize búktirdi. Osylaısha 32 oıynda 71 upaı jınaǵan «Oqjetpes» FK týrnır kestesinde birinshi oryndy jeńip aldy. Endi keler maýsymda kókshetaýlyqtar QR Premer lıgasynda baq synaıtyn bolady.
Aıta keteıik, jaqynda birinshi lıganyń 31 týrynda «Oqjetpes» komandasy «Qyran» komandasymen teń túsip, premer lıgaǵa beriletin joldamany utyp alǵan edi. Osyǵan baılanysty Aqmola oblysynyń ákimi Məlik Myrzalın jerlesterin quttyqtaǵan bolatyn.
