Oqytýshylar matematıka men fızıkadan UBT tapsyrmalaryn sheshý ádistemesimen bólisti
ASTANA. 27 qańtar. QazAqparat - Elordalyq naqty ǵylymdardyń oqytýshylary №1 mektep-lıtseıdiń túlekterimen matematıka men fızıkadan UBT tapsyrmalaryn sheshý ádistemesimen bólisti.
Bul týraly astana.kz saıtyna qalalyq Bilim basqarmasynan habarlady.
Mektep-lıtseıde respýblıkalyq testileýge daıyndyq aıasynda sheberlik synyp formasynda qalanyń úzdik oqytýshylarynyń tájirıbesin anyqtaý jáne taratý maqsatynda «Matematıka jáne fızıkadan UBT tapsyrmalaryn shyǵarmashylyq turǵydan sheshý» taqyryby boıynsha qalalyq semınar ótkizildi.
«Sheberlik synypta barlyq qatysýshylardy toptyq jumys arqyly belsendi qyzmetke tartýǵa múmkindik bergen oqytýdyń jańa tásilderi qoldanyldy», - dep habarlady Basqarmadan.
Vedomstvonyń habarlaýynsha, semınarǵa UBT daıyndyq jónindegi úzdik oqytýshylar, óz isteriniń naǵyz sheberleri qatysty. Sheberlik synyby osy sııaqty is-sharalardyń qajettiligin kórsetti. Barlyq 35 qatysýshy UBT tapsyrmalaryn jańa shyǵarmashylyq turǵydan sheshý tásilderin meńgerdi, deıdi Basqarmadaǵylar.
