Oqys oqıǵadan aman qalǵan «Astana sý arnasynyń» jumysshysy aýrýhanadan shyqty
NUR-SULTAN. QazAqparat - Elorda polıtsııa departamenti basshysynyń orynbasary Ǵazız Nurqaev «Astana sý arnasy» mekemesiniń aman qalǵan qyzmetkeriniń aýrýhanadan shyqqanyn málim etti, dep habarlaıdy QazAqparat tilshisi.
«Qazirgi ýaqytta zardap shekken besinshi adam aýrýhanadan shyqty. Ambýlatorııalyq em alyp jatyr. Oǵan barlyq medıtsınalyq kómek kórsetilýde. Jaǵdaıy birqalypty», - dedi Ǵazız Nurqaev elordada ótken baspasóz máslıhatynda.
Ol jábirlenýshi retinde isten ótýde.
«Qudyqtaǵy kisi ólimimen baılanysty qylmystyq isti tergeý barysynda erejelerdiń saqtalýyn tekserdik. Qurylys normalary men erejeleri týraly aıtar bolsaq, bul rette elimizde 2001 jyly bekitilgen qurylys isteri boıynsha komıtettiń erejesi bar», - dedi ol.
