Oqys oqıǵa saldarynan Almaty-Novosibir jolaýshylar poıyzynyń qozǵalysy toqtatyldy
ASTANA. 1 tamyz. QazAqparat - ShQO-da júk sostavynyń 16 vagonynyń relsten shyǵyp ketýi saldarynan ońtústik astana vokzalynan saǵat 05.55-te shyǵýǵa tıis Almaty-Novosibir jolaýshylar poıyzy kidirtildi.
Bul týraly QR TJM-niń baspasóz qyzmeti habarlaıdy.
Oqys oqıǵa Semeıden 28 shaqyrym jerdegi Lokot stansasynda bolǵan. Keshe, shildeniń 31 kúni kúndizgi ýaqytta Novosibir-Saryaǵash baǵytyndaǵy júk poıyzynyń 16 vagony relsten shyǵyp ketken.
Apat saldarynan Almatydan Novosibirge qatynaıtyn jolaýshylar poıyzynyń qozǵalysy ýaqytsha toqtatyldy.
Sol kúni saǵat 21.00-de jóndeý-qaıta qalpyna keltirý jumystary tolyq kólemde aıaqtaldy. Tótenshe jaǵdaıdy joıýǵa «QTJ» AQ-nyń 50 adamy men 1 apatty-qaıta qalpyna keltirý poıyzy jumyldyryldy.
