Oqýshynyń úlken ólshemdi mektep formasy aýystyrylyp berildi – Jetisý ákimdigi

TALDYQORǴAN. QazAqparat - Jetisý oblysy bilim basqarmasy oqýshyǵa berilgen úlken razmerdegi mektep formasyn aýystyryp berdi, dep habarlaıdy QazAqparat tilshisi.

Buǵan deıin oqýshynyń anasy áleýmettik jelide jazba jarııalap, qyzyna berilgen mektep formanyń shamadan tys úlken ekendigine shaǵymdanǵan edi.

«Kerbýlaq aýdany Nurym aýylynyń 4 synyp oqýshysy jalpyǵa mindetti bilim berý qory esebinen kómek alatyn oqýshylardyń tiziminde bolmaǵan. Anasynyń ótinishine baılanysty mektep formasy berilgen, oqýshyǵa ólshemi úlken bolǵan. Búginde forma aýystyryp berildi»,- delingen vedomstvonyń habarlamasynda.

Vıdeodan alynǵan kadr