Oqýshynyń ólimine uıaly telefon sebep bolýy múmkin
TALDYQORǴAN. QazAqparat - Taldyqorǵan qalasynda 7 synyptyń oqýshysy ózine qol jumsady. Qyz bala bólmesinde asylyp turǵan jerinen tabylǵan, dep habarlaıdy QazAqparat tilshisi.
Atalǵan faktini qalalyq bilim bóliminiń basshysy Jandos Joldyhanov rastady.
«Qaıǵyly oqıǵanyń bolǵany ras. 7 synyp oqýshysyna ata-anasy uıaly telefonda kóp otyrma dep eskertý jasaǵan kórinedi. Sanaýly ýaqyttardan keıin, ıaǵnı keshki saǵat segizder shamasynda qyz bala bólmesinde asylyp turǵan jerinen tabylǵan. Qazir bul ispen quqyq qorǵaý organdary aınalysýda. Qazir mektepterde psıhologtar qaıǵyly jaǵdaılardyń aldyn alý maqsatynda túsindirý jumystaryn júrgizip jatyr», - dedi Taldyqorǵan qalalyq bilim bóliminiń basshysy.
Sondaı-aq J.Joldyhanovtyń sózinshe qyz bala óte tártipti bolǵan. Mektep ustazdary ózine qol jumsaǵan oqýshynynyń sabaq úlgerimi de jaqsy bolǵanyn aıtqan.
