Oqýshynyń ólimine qatysy bar degen kúdikpen taǵy bir jasóspirim ustaldy
QYZYLORDA. 22 aqpan. QazAqparat - Qyzylorda oblysy Jańaqorǵan aýdany Tómenaryq aýylynda oryn alǵan mektep oqýshysynyń ólimine qatysty degen kúdikpen taǵy bir jasóspirimdi qamaýǵa aldy.
Іshki ister organdary qyzmetkerleri bul kúdiktini qaza bolǵan balanyń múrdesine qaıta jasalǵan tekserýden soń baryp tutqyndaǵan. Saraptama mektep oqýshysynyń júrek tusyna jasalǵan qatty soqqydan kóz jumǵanyn anyqtaǵan. Osyǵan oraı qylmystyq is aýdandyq sotqa joldandy.
Toǵyzynshy synyp oqýshysy Medet Jasymbaı 2011 jyldyń qarasha aıynda ózinen úlken joǵary synyp oqýshylyrynyń jabylyp soqqyǵa jyqqanynan mert bolǵan edi. Marqumnyń dostarynyń aıtýynsha, ony on birinshi synyp oqýshylary aqsha bermegeni úshin bos qalǵan ǵımaratqa aparyp sabaǵan. Aldyn ala tekserý kórsetkendeı, ólim jaǵdaıy baýyr men ókpeniń ezilip ketýinen bolǵan. Basynda ony uryp soǵýǵa segiz oqýshy qatysqany aıtylǵanmen, tek 17 jasar Azamat Qurbanbekov qana ustalǵan edi.
