Oqýshynyń ákesi soqqyǵa jyqqan muǵalim polıtsııaǵa júgindi - Qostanaı
QOSTANAI.QazAqparat- Polıtseıler oqýshynyń ákesi soqqyǵa jyqqan muǵalimge qatysty málimdeme jasady, dep habarlaıdy QazAqparat.
«22 qańtar kúni qalalyq polıtsııa bólimine 29 jastaǵy Qostanaı turǵyny júgindi. Ol ózin 37 jastaǵy er adamnyń mektep ishinde soqqyǵa jyqqanyn aıtty»,- dedi oblystyq polıtsııa departamenti baspasóz qyzmetiniń jetekshisi Irına Bejenar.
Qazirgi ýaqytta osy fakti boıynsha Qazaqstan Respýblıkasy Qylmystyq kodeksiniń 107-baby («Densaýlyqqa qasaqana ortasha aýyrlyqtaǵy zııan keltirý») boıynsha sotaldy tergeý júrip jatyr. Saraptamalar taǵaıyndaldy.
Aıta keteıik, Qostanaı qalasy A.M.Gorkıı atyndaǵy mekteptiń ekinshi synybynda oqıtyn qyzdyń ákesi dene shynyqtyrý pániniń muǵalimin soqqyǵa jyqqan bolatyn.
