Oqýshyny zorlaý oqıǵasy: Almaty oblysynyń bas polıtseıi isti baqylaýǵa aldy
Qoǵam belsendisi Andreı Andreev Facebook jelisinde 15 jastaǵy qyz balany týǵan bólesi 8 jasynan bastap zorlap kelgenin jazdy.
Almaty oblystyq Polıtsııa departamentiniń bastyǵy Serik Kúdebaev oqıǵaǵa qatysty málimet berdi.
«Men Andreı Andreevtiń Facebook áleýmettik jelisindegi jazbasyn qarastyrdym. Jynystyq qýdalaý faktileri týraly kelesini habarlaımyn.
Qarasaı aýdandyq polıtsııa basqarmasyna 2006 jylǵy A. esimdi kámeletke tolmaǵan jasóspirimge qatysty seksýaldyq sıpattaǵy zorlyq-zombylyq áreketteri deregi boıynsha ákesi tarapynan tátesi bolyp tabylatyn N. esimdi azamatshanyń ótinishi boıynsha QR QK-niń 121-babynyń 4-bóligi negizinde kámeletke tolmaǵan azamatshanyń anasy jaǵynan týysy bolyp keletin R. esimdi azamatqa qatysty qylmystyq is tirkeldi», - dedi Serik Kúdebaev.
Departament basshysy sotqa deıingi tergeý barysynda tergeýshi birqatar saraptama taǵaıyndaǵanyn jetkizdi.
«Sondaı-aq tergeý áreketterin júrgizý barysynda qylmystyq protseske qatysýshylardyń barlyq dálelderi tekserilip, qylmystyń kýágerleri anyqtalady.Іs boıynsha taǵaıyndalǵan sot saraptamalary men tergeý áreketteriniń nátıjeleri boıynsha túpkilikti protsessýaldyq sheshim qabyldanatyn bolady. Osy qylmystyq istiń tergeý barysy meniń jeke baqylaýyma alyndy»,- dep tolyqtyrdy S. Kúdebaev.