Oqýshyny zorlaǵan aqtóbelikke sot úkimi shyqty
AQTÓBE. QazAqparat – Aqtóbede mektep oqýshysyn zorlaǵan sottalýshy 23 jylǵa bas bostandyǵynan aıyryldy, dep habarlaıdy QazAqparat tilshisi.
«Aqtóbe oblystyq qylmystyq ister jónindegi mamandandyrylǵan aýdanaralyq sotynyń 2020 jyldyń 27 naýryzyndaǵy úkimimen Sarjan Qurmanov jábirlenýshiniń dármensizdigin paıdalanyp kúsh qoldanǵany, zorlaǵany, seksýaldyq sıpattaǵy zorlyq is-áreket jasaǵany úshin kináli dep tanyldy. Sotpen 23 jyl merzimge bas bostandyǵynan aıyrý jazasy taǵaıyndaldy. Sottalǵannan járiberýshiniń paıdasyna 5 mıllıon teńge moraldyq zııan óndirildi. Úkim zańdy kúshine engen joq», - dedi oblystyq sottyń baspasóz qyzmeti.
Aıta keteıik, oqıǵa ótken jyldyń jeltoqsan aıynda tirkelgen bolatyn.
Aqtóbelik polıtseıler 12 jeltoqsanda kámeletke tolmaǵan balaǵa qatysty asa aýyr qylmysty ashty. Jedel-tergeý is-sharalary barysynda polıtsııa qyzmetkerleri buryn sottalmaǵan 21 jasar kúdiktini ustady. Bul qylmysty ashýǵa ІІM Krımınaldyq polıtsııa departamenti bastyǵynyń orynbasary basshylyq etken arnaıy jedel-tergeý toby aınalysty. QR QK 120-bap 4-tarmaǵy jáne 121-bap 4-tarmaǵy boıynsha sotqa deıingi tergeý júrgizildi.
