Oqýshyny urǵan ınspektor oqıǵasy: Dırektor sógis aldy
AQTÓBE. QazAqparat - Aqtóbede mektep ınspektory oqýshyny uryp, jumystan shyqty. Keıin mektep dırektoryna sógis jarııalandy, dep habarlaıdy QazAqparat tilshisi.
«№2 orta mekteptegi jaǵdaıǵa baılanysty qyzmettik tekserý júrdi. Tekserý nátıjesinen soń dırektordyń orynbasary Lıýbov Lobanova dırektordyń buıryǵymen qyzmetinen bosatyldy. Al qalalyq bilim bóliminiń buıryǵymen Sanııa Danıshevaǵa sógis berildi. Pedagogtar men ata-analar onyń 20 jyldan astam ýaqyt boıy bilim salasynda eńbek etkenin eskerdi»,- dedi qalalyq bilim bólimi basshysynyń mindetin atqarýshy.
Eske salsaq, 22-qyrkúıek kúni mektep ınspektory oqýshyny urdy.
Keıin polıtsııa qyzmetkeriniń ishki ister organdary qatarynan shyǵarylǵany málim boldy.
№2 orta mektep oqýshysynyń ata-anasy bolǵan mán-jaıdy tilshilerge málimdep, keshirim bermeı, polıtsııaǵa aryz jazǵanyn aıtyp berdi.
Qazir oqýshy sabaǵyna qatysyp júr.
