Oqýshyny urǵan aqtóbelik ınspektor jumystan shyǵaryldy
AQTÓBE. QazAqparat - Aqtóbede №2 orta mektep oqýshysyna qol kótergen ınspektor jumyssyz qaldy, dep habarlaıdy QazAqparat tilshisi.
«№2 orta mektep ata-analarynyń aryzy boıynsha ІІD Іshki qaýipsizdik basqarmasy tekserý júrgizip, jasóspirimder isi jónindegi ınspektor S.Ermaǵambetovty ishki ister organdary qatarynan jumystan bosatý týraly sheshim qabyldandy. Sonymen qatar, Aqtóbe qalalyq ІІB-nyń Elek polıtsııa bóliminiń basshysy qatań tártiptik jazaǵa tartylady»,- dedi oblystyq ІІD baspasóz qyzmeti.
Eske salsaq, 22 qyrkúıek kúni sporttyq kıimmen júrgen oqýshyny mektep ınspektory uryp tastaǵan edi. Keshe oqýshynyń anasy aryz jazyp, shara qoldanýdy suraǵanyn málimdedi.
