Oqýshyny tonaǵan oqýshy ustaldy
ALMATY. 26 qyrkúıek. QazAqparat /Erbol Azanbek/ - Almatyda oqýshylardy tonaǵan 15 jasar qyz bala ustaldy, dep habarlaıdy qalalyq ІІD-niń baspasóz qyzmeti.
Alına esimdi Shý qalasynyń 15 jasar turǵyny bir apta buryn Almatyǵa «tabys tabýǵa» kelgen. Esh jerde oqymaıtyn ol alǵashqy kúnnen-aq Almaty mektepterin toraýyldap, nápaqa izdegen. «Samal» yqshamaýdanynda tórt oqýshyny aldap, uıaly telefondaryn qolǵa túsirgen ol izin sýytqan. Oqýshylar mektep ınspektoryna habarlap, sholǵynshy qyzmetin shaqyrǵan. Sanaýly mınýttardan soń kúdikti qyz qolǵa túsken.
«Uıaly telefondar tárkilendi. Alına óz qylmysyn moıyndap, bul iske nege barǵandyǵyn da aıtyp berdi. Onyń januıasy araqqa qumar jandar bolyp shyqty. Qazir esh jerde oqymaıtyn qyz 9-shy synyptan soń kolledjge túspek bolǵan, alaıda oǵan múmkindigi jetpepti. Bos júrgendikten osyndaı istermen nápaqa tabýǵa kóshken»,-deıdi Medeý aýdandyq ІІB-niń bastyǵy Baqyt Qasabekov.
Oqýshylardy tonaǵan oqýshy qyz ata-anasynyń qolyna berilmek.
