Oqýshyny ıterip jibergen astanalyq muǵalim jumystan qýyldy
Ustazdyń oqýshyǵa dórekilik tanytqan áreketi beınebaqylaý kamerasyna túsip qalǵan.
«Atalǵan oqıǵa boıynsha №27 mektep-lıtseıi qyzmettik tekserý júrgizdi. Tergeý barysynda 2-synyp oqýshysyna qatysty muǵalim tarapynan pedagogıka ádebine sáıkes kelmeıtin fakti rastaldy. QR Eńbek kodeksiniń 65-babynyń 1-tarmaǵyna sáıkes dene shynyqtyrý muǵalimine Pedagogıkalyq ádep jónindegi keńestiń usynymy negizinde qatań sógis jarııalandy.
Sonymen qatar atalǵan mekteptiń 2023 jylǵy 30 qańtardaǵy «Jumystan bosatý týraly» №19 buıryǵyna sáıkes jáne QR Eńbek kodeksiniń 49-babynyń 5-tarmaǵyna sáıkes muǵalim jumystan shyǵaryldy», - dep habarlady Bilim basqarmasynyń baspasóz qyzmetinen.
Bilim basqarmasynyń aqparatynsha, ádep normalary men talabyn saqtaý boıynsha mektep ujymymen profılaktıkalyq jıyn ótkizilgen.
Búginde qalalyq Polıtsııa departamenti atalǵan oqıǵaǵa qatysty tergeý júrgizip jatyr.
«24 qańtarda saǵat 17:22-de «102» arnasyna elorda turǵynynan dene shynyqtyrý muǵalimi onyń 8 jasar qyzyn ıterip, aıǵaılaǵany týraly aryz tústi. Bul fakti boıynsha tergeý júrip jatyr. Oqýshyǵa sot-medıtsınalyq saraptama taǵaıyndaldy. Onyń nátıjesi boıynsha muǵalimge qatysty qoldanystaǵy zańnamaǵa sáıkes sheshim qabyldanady», - dedi atalǵan vedomstvonyń baspasóz qyzmetinen.
