Oqýshyny balaǵattaǵan qostanaılyq pedagog qoǵamdyq jumysqa jegiledi
QOSTANAI. QazAqparat - Qostanaı oblysynyń kámeletke tolmaǵandardyń isteri jónindegi mamandandyrylǵan aýdanaralyq soty oqýshyny balaǵattaǵan pedagogqa qatysty isti qarady, dep habarlaıdy QazAqparat tilshisi.
Іs materıaldaryna súıensek, bıyl 23 aqpanynda Qarabalyq aýdanyndaǵy Bórli orta mektebi dırektorynyń orynbasary F. sport zalǵa 14 jasar 7 «b» synyp oqýshysyn shaqyrady. Belgili bolǵandaı, pedagog dálizde shý kótergen oqýshyny anyqtaýǵa tyrysqan.
«Ol kámeletke tolmaǵan jábirlenýshini sport zal ishimen «qaz qadamy» ádisimen júrýge májbúrleıdi. Buǵan qosa oǵan balaǵat sózder aıta bastaıdy. Sot sheshimimen pedagog qylmystyq quqyq buzýshylyqqa bardy dep tanyldy», - dep habarlady oblystyq sottyń baspasóz qyzmeti.
30 jastaǵy mektep dırektorynyń orynbasaryna QR QK 140-baby boıynsha 240 saǵat qoǵamdyq jumystarǵa tartý túrindegi jaza taǵaıyndaldy. Sonymen qatar, aldaǵy 3 jyl boıy pedagogtyq qyzmetke ornalasa almaıdy.
Úkim zańdy kúshine engen joq.
