Oqýshylarmen bir tolqynda bolý mańyzdy - Tik-Tok jelisinde vıdeo jarııalaǵan jańaózendik muǵalim
Jańaózen qalasynyń №5 mektep-gımnazııasynyń matematıka páni muǵalimi Abylaıhan Qadyrov úziliste oqýshylarymen bı bılep, vıdeo túsirgen. Tik-Tok-qa júktelgen rolıkti bir táýlikte jarty mıllıonnan astam adam qaraǵan.
«2021 jyldan bastap Tik-Tok jelisi úshin vıdeo túsire bastadym. Unap qaldy. Sosyn oqýshylarymmen, áriptesterimmen túsirip kórdim. Kúlip-oınap, sergitý sáti retinde, úzilis kezinde 3-5 mınýt ýaqytymyzdy arnaımyz. Men úshin oqýshylarmen bir tolqynda bolý mańyzdy. Sol kezde balalarǵa sabaq túsindirý ońaıyraq bolady. Muny oqýshylar óte jaqsy qabyldaıdy», - deıdi ol.
Jas muǵalimniń aıtýynsha, sabaq protsesindegi mundaı erekshelikterdi oqýshylarmen birge ata-analar da, mektep basshylyǵy da qoldaıdy.
«Biz olarmen Tik-Tok vıdeolaryn túsirgen kezde balalardyń kóńilderi kóterilip qalady. Áýenmen ilesip qımyldaý olardyń sabaqqa qulshynystaryn arttyrady, kádimgideı sergitedi. Men jalpy sabaq ústinde jaǵymdy áýenderdi daýsyn báseńdetip qosyp qoıamyn», - deıdi Abylaıhan Qadyrov.
Vıdeodan alynǵan kadr
