Oqýshylarǵa sabaq berý úshin AQSh stýdentteri Semeıge keldi
Semeıdegi fızıka-matematıka baǵytyndaǵy Nazarbaev Zııatkerlik mektebine AQSh-tyń Massachýsets tehnologııa ınstıtýtynyń stýdentteri Djım Maılı Marı ıÝ Lıang jáne Godfrı-Igve Steısı Chıdera keldi. Biri - bıoınjenerııa, ekinshisi - kólik qurastyrý mamandyǵy boıynsha bilim alyp júr.
3 aptalyq sapar aıasynda olar 11-synyp oqýshylaryna hımııa, fızıka pánderinen sabaq beredi.
Maılı men Steısı birlese otyryp sabaqtan tys ýaqytta «Kóshbasshylyq», «Taım-menedjment», «Usynym hat jazý», «Motıvatsııalyq hat jazý» taqyryptarynda semınar kezdesýler ótkizýde. Budan bólek, mektep shákirtteriniń tikeleı qatysýymen «Eko-baǵan», «Genetıkalyq óńdeýdegi qazirgi zertteýler men etıka» atty jobalardy júzege asyryp jatyr.
«Eko-baǵan» jobasynyń maqsaty - bir baǵanda úsh ekojúıeni (jer ústi, shirindi jáne sý) jasaý. Sonymen qatar, eki ortany salystyrý úshin bir-biriniń abıotıkalyq jáne bıotıkalyq faktorlary baqylanady. Al «Genetıkalyq óńdeýdegi qazirgi zertteýler men etıka» dep atalatyn joba 2013 jyly jasalǵan genetıkalyq redaktsııalaý quraly, CRISPR-tyń aǵymdaǵy zertteý jumystaryn kórsetedi»,-deıdi Djım Maılı Marı ıÝ Lıang.
