Oqýshylarǵa qylyshpen shabýyl jasaǵan jigit aýrýhanada jan tapsyrdy
ASTANA. QazAqparat - Shvetsııanyń Trollhettan qalasyndaǵy mektepte oqýshylar men muǵalimderge qylyshpen shabýyl jasaǵan 21 jastaǵy jigit ózin ustaý kezinde alǵan jaraqattarynan aýrýhanada jan tapsyrdy.
Polıtsııa onyń qaza tapqanyn rastady, alaıda onyń esimin ataǵan joq.
Oqıǵa beısenbi kúni tańerteń oryn alǵan bolatyn. Betperde kıgen qaskóı 5 adamdy jaralaǵan. Olardyń ekeýi - oqytýshy men jasóspirim. Olar alǵan jaraqattarynan keıin aýrýhanada kóz jumdy. Taǵy bir oqýshy aýyr halde. Dárigerler olardy aman alyp qalý úshin kúresip jatyr. Mektep oqýshylary betine betperde taǵyp, ústine qara kıim kıip, qolyna qylysh ustaǵan bul adamdy alǵashynda ázildep júrgen bireý dep oılap qalǵan. Alaıda, ol keıin qylyshyn sermep, olarǵa shabýyl jasaǵan, dep jazady Bı-bı-sı.
