Oqýshylarǵa ekologııalyq mádenıetti bala kezinen sińirý qajet - BǴM vıtse-mınıstri
ASTANA. QazAqparat - Oqýshylarǵa ekologııalyq mádenıetti bala kezinen sińirý qajet. Bul týraly búgin Ortalyq kommýnıkatsııalar qyzmetinde «Jandaný» ekologııalyq jobasy aıasynda 12 jyldyq mektepterge arnap jaryq kórgen oqýlyqtyń tusaýkeser rásiminde QR Bilim jáne ǵylym vıtse-mınıstri Esenǵazy Imanǵalıev aıtty.
«Balalarymyzǵa kishkentaı kezderinen bastap ekologııalyq mádenıetti sińirý kerek. Olar ony tek pán retinde ǵana emes, tabıǵatpen qalaı bite qaınasyp, bir aǵzadaı ómir súre berýdi úırenýleri qajet», - dedi ol.
Onyń aıtýynsha, búginde bilim berý júıesiniń aldynda oqýshylardy ekologııalyq saýattylyqqa tárbıelep, olardy baýlıtyn ustazdar qaýymyn daıyndaý máselesine jan-jaqty kelý tetikterin oılap tabý tapsyrmasy tur.
«Bilim berý mazmunyn ózgertý kezinde ekologııalyq tárbıe men bilim berý máselesi eń mańyzdy maqsattardyń biri bolmaq. Búginde ekologııalyq tárbıe berý máselesin pán retinde emes, mádenıet retinde qarastyrý kerek. Osy maqsattaǵy mańyzdy qadam retinde QR Bilim jáne ǵylym mınıstrligi men Álııa Nazarbaevanyń «Jandaný» jobasy birlesip ázirlegen «Ekologııa jáne ornyqty damý» oqýlyǵyn ataýǵa bolady», - dep atap ótti vıtse-mınıstr.
