Oqýshylardyń UBT-nyń shekti deńgeıinen óte almaýyna biliktilik deńgeıi tómen muǵalimder de jaýap beredi-B. Jumaǵulov

Búgin Astanadaǵy «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynda  Bilim jáne ǵylym mınıstri Baqytjan Jumaǵulov osylaı aıtty.  

«Kelesi másele - muǵalimderdiń biliktilik jáne kásibı mindetterdi oryndaý deńgeıiniń tómendigi. Zańnamaǵa sáıkes muǵalimder Memlekettik  bilim berý standarty talaptary boıynsha  bilim berý qyzmetiniń sapasyn qamtamasyz etýge mindetti. Sondyqtan oqýshylardyń UBT-nyń shekti deńgeıinen óte almaýyna biliktilik deńgeıi tómen muǵalimder de jaýap beredi. Bul - mektep ákimshiligi, aýdandyq, qalalyq bilim bólimderi, oblystyq bilim basqarmalary jumysynyń álsizdigin kórsetedi»,-dedi mınıstr.
Osyǵan baılanysty B. Jumaǵulov mektepke deıingi jáne orta bilim departamenti oblystyq bilim basqarmalarymen birlesip,
árbir aımaqtaǵy UBT qorytyndylaryn jan-jaqty talqylaýdy, tıisti sharalar qabyldaýdy, bilim sapasyn jaqsartý boıynsha is-sharalar josparyn ázirlep, qabyldaýdy júktedi.