Oqýshylardyń tórtinshi toqsany keıinge shegerile me
NUR-SULTAN. QazAqparat – Eshqandaı kedergi bolmasa IV toqsan óz merziminde aıaqtalýy kerek. Bul týraly Ortalyq kommýnıkatsııalar qyzmetinde QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.
Onlaın konferentsııada mektep oqýshylaryn ІV toqsanda qashyqtan oqytý máselesi aıtyldy.
«Eshqandaı kedergi bolmasa jáne basqa da máseleler týyndamasa IV toqsan óz merziminde aıaqtalýy kerek. Dástúrge sáıkes, 25 mamyr kúni biz tórtinshi toqsandy aıaqtaımyz. Osyǵan baılanysty suraqtardy túsinemin, sebebi kóktemgi demalys kúnderin kishkene sozdyq. Ádette kanıkýl eki apta bolatyn, osy joly úsh apta boldy. Mundaı máseleler bizde jıi kezdesip otyrady. Mundaı kezde keıbir taqyryptardy biriktirip oqytýǵa múmkindik bar. Vıdeo sabaqtardy da osyndaı tásilmen daıyndap qoıdyq, sondyqtan baǵdarlamalardy qýyp jetip, barlyǵyn qamtıtyn bolamyz», - deıdi QR Bilim jáne ǵylym mınıstri Ashat Aımaǵambetov.
