Oqýshylardyń sporttan prezıdenttik testileý normatıvine ózgerister engizilýde - Erlan Qojaǵapanov
ASTANA. 9 shilde. QazAqparat - Oqýshylardyń sporttan prezıdenttik testileý normatıvine ózgertýler engizilýde.
Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Erlan Qojaǵapanov málim etti.
«Qazirgi kezde agenttik prezıdenttik testti dáripteý maqsatynda normatıvke jáne ony tapsyrý tártibine ózgertýler engizýde. Aldaǵy oqý jylynyń aıaǵyna deıin usynylyp otyrǵan normatıvterdi mektepterde qabyldap, ony oqýshylardyń tapsyrý nátıjesi boıynsha bekitý josparlanýda»,-dedi agenttik basshysy.
Onyń sózine qaraǵanda, jyl saıyn dene tárbıesi daıyndyǵy boıynsha prezıdenttik testtiń normatıvterin sátti tapsyratyn oqýshylar sany azaıyp kele jatyr eken. «2012 jyly prezıdenttik testke qatysqan 613 myń oqýshynyń ishinen tek 3 paıyzy ǵana tabysty ótti, «jaqsy» degen kórsetkishke 10 paıyzdan sál astamy ǵana qol jetkizdi. Al qalǵandary múldem tapsyra almady»,-dedi E. Qojaǵapanov.
