Oqýshylardyń sómkesin jeńildetý baǵytynda jumystar júrgizilýde - BǴM
ASTANA. QazAqparat - Mektep oqýshylary sómkesiniń salmaǵy jeńildetý baǵytynda jumystar júrgizilýde. Búgin QR Parlamenti Májilisi Áleýmettik-mádenı damý komıtetiniń kóshpeli otyrysynda QR Bilim jáne ǵylym vıtse-mınıstri Esenǵazy Imanǵalıev osylaı dedi.
«Qazirgi ýaqytta mektep sómkesiniń salmaǵyn jeńildetý úshin otandyq oqýlyqtar jumsaq jyltyr muqabada ázirlenip, shyǵarylýda. Oqýlyqtardy jarty ne bolmasa tórtten birge bólip esepteý shyǵarý jumystary júrgizilýde», - dedi ol.
Onyń atap ótýinshe, baspalar mektep oqýlyqtaryn jaryqqa shyǵarý barysynda QR Úkimetiniń qaýlysymen bekitilgen balalar men jasóspirimderdi tárbıeleý jáne oqytý nysandaryna sanıtarlyq-epıdemıologııalyq talaptar erejesin basshylyqqa alady.
«Respýblıkanyń jalpy bilim beretin mektepteri úshin oqýlyqtardyń salmaǵy boıynsha sanıtarlyq-gıgıenalyq talaptary Reseı, Belarýs, Ýkraına normalaryna saı keledi. Ol bastaýysh synyptar úshin 300, 5-6 synyptarǵa 400, 7,9 synyptarǵa 500 gramm», - dedi vıtse-mınıstr.
