Oqýshylardyń respýblıkalyq matematıka muǵalimderiniń І seziniń delegattaryna jasaǵan tartýlary
ASTANA. 11 mamyr. QazAqparat - Ártúrli halyqaralyq matematıkalyq zııatkerlik saıystarda jaqsy kórsetkishterge qol jetkizip júrgen qazaqstandyq oqýshylar Qazaqstandaǵy olımpıadalyq qozǵalystyń joǵarǵy deńgeıde ekenin kórsetýde.
Respýblıkalyq matematıka muǵalimderiniń І sezi qarsańynda qazaqstandyq oqýshylar sezge qatysýshylarǵa tartý jasady, dep habarlaıdy QR Bilim jáne ǵylym mınıstriligi «Daryn» Respýblıkalyq ǵylymı-praktıkalyq ortalyǵy.
Aǵymdaǵy jyldyń 4-8 mamyr kúnderi ıAssy qalasynda (Rýmynııa) XXVIII Balqan matematıkalyq olımpıadasy ótken bolatyn.
Olımpıadaǵa 19 elden kelgen 20 komanda qatysty. Rýmynııa jarysty uıymdastyryp otyrǵan el retinde beıresmı túrde ekinshi komandany qosty. Olımpıada qorytyndysy boıynsha Qazaqstan quramasy 1 altyn, 3 kúmis jáne 2 qola medalǵa ıe bola otyryp, beıresmı esep boıynsha 6-shy orynǵa shyqty.
Osy jyldyń 1 mamyry men 5 mamyry kúnderi Máskeý qalasynda «Matematıka jáne modeldeý» V Halyqaralyq baıqaýy ótken bolatyn. Báıgeni Áleýmettik basqarý akademııasy, M.V.Lomonosov atyndaǵy Máskeý memlekettik ýnıversıteti jáne Bolgarııa Ǵylymdar akademııasynyń Matematıka jáne ınformatıka ınstıtýty uıymdastyrdy. Osy jyldaǵy baıqaýǵa Bolgarııa, Reseı, Qazaqstan oqýshylarynyń 106 jobasy usynylǵan bolatyn.
Baıqaý qorytyndysy boıynsha bizdiń oqýshylar 29 medalǵa, sonyń ishinde 5 altyn, 16 kúmis, 8 qola júldege ıe boldy.
2011 jyldyń 1 mamyry men 9 mamyry kúnderi Tel-Avıv qalasynda (Izraıl) fızıka boıynsha XII Azııalyq oqýshylar olımpıadasy ótti, oǵan óńirdegi 18 eldiń oqýshylar qatysty. Qazaqstan atynan segiz oqýshy el namysyn qorǵady.
Olımpıada qorytyndysy boıynsha qazaqstandyq oqýshylar eki qola jáne úsh qurmet gramotasyna ıe boldy.
