Oqýshylardyń mektepke qandaı formamen baratynyn ata-ana ózi sheshedi
NUR-SULTAN. QazAqparat – Oqýshylardyń mektepke qandaı formamen baratynyn ata-analar ózi sheshetin boldy. Bul týraly QR Bilim jáne ǵylym mınıstrliginiń baspasóz qyzmeti taratqan aqparattan belgili boldy, dep habarlaıdy QazAqparat tilshisi.
Baspasóz qyzmetiniń málimetterine qaraǵanda, jalpy formaǵa qoıylatyn talaptar joıylmaıdy, biraq ýaqytsha ózgerister engizildi.
«Soǵan baılanysty bıyl ata-analar balany mektep formasynda nemese basqa da yńǵaıly kıimmen jiberý týraly sheshimdi ózi qabyldaıdy»,-delingen habarlamada.
QR Bilim jáne ǵylym mınıstrliginiń habarlaýynsha, qazirgi tańda respýblıka mektepterinde pedagogıkalyq keńester ótip jatyr. Onda bıylǵy oqý jylynyń uıymdastyrylýyna baılanysty ózekti máseleler talqylanyp jatyr.
