Oqýshylardyń hımııa pánine degen qyzyǵýshylyǵyn tájirıbe jasaý arqyly arttyrýǵa bolady - Tıktoker muǵalim
Jas pedogogtiń jańa tehnologııany ıegerip qana qoımaı, oqýshylarǵa eń qıyn pánniń formýlalaryn usynǵany kópshiliktiń kóńilinen shyǵyp jatyr.
«Shynymdy aıtsam men Tıktoktyń belsendi qoldanýshysymyn. Bastapqyda ony baqylap, biraz zerttep kórdim. Keıin tıktok arqyly sabaq ótkizý tıimdi ekenin túsindim. Óıtkeni bul platforma adaldyq pen shynaıylyqqa shaqyrady. Men anımeni jaqsy kóremin jáne osy eki nárseni biriktirý týraly sheshim qabyldadym. Nátıjesi men oılaǵanan da jaqsy boldy. Qazir Almatydaǵy jeke mektepte hımııa páninen sabaq beremin. Buǵan deıin Taldyqorǵan qalasyndaǵy Nazarbaev Zııatkerlik mektebinde jumys istedim. Eńbek ótilim- 7jyl»,- deıdi hımııa pániniń muǵalimi Ulan Úsenov.
Onyń aıtýynsha, oqýshylar hımııa pánin jaqsy kórip, tez túsiný úshin sabaqty qyzyqty ári uǵynyqty tilde ótkizý kerek.
«Hımııa - bul óte qarapaıym sabaq. Másele mynada, balaǵa hımııalyq elementterdi jattaý men ony túsiný qıynǵa túsedi. Sondyqtan oqýshylardyń hımııa pánine degen qyzyǵýshylyǵyn hımııalyq tájirıbeler jasaý arqyly arttyrýǵa bolady»,- deıdi spıker.
Sonymen qatar, ol kıberpedogogıka, sandyq tehnologııa qazirgi urpaqqa qajet ekenin tilge tıek etti.
«Kıberpedagogıka – bul jańashyl pedagogıka, onda muǵalim basty tulǵa. Bul tsıfrlyq tehnologııany qoldaný. Qazirgi oqýshylar men ata-analardyń deni Tıktokta otyrady. Árıne, oqýshylarmen kózbe-kóz otyryp sabaq bergen tıimdi, sol sebepti onlaındy da, offlaındy da qatar alyp júrgen jón»,- deıdi ol.
Ulan Úsenov sóz arasynda alǵa qoıǵan josparlary týraly aıtty.
«Mektepte sabaq berýdi jalǵastyra beremin. Biraq, alǵa qoıǵan maqsattarym bar. Endigi josparym Almatyda oqýǵa múmkindigi joq balalarǵa osy pándi túsinýdi jeńildetýge kómektesetin jańa sabaq serııasyn nemese resýrs jasamaqpyn. Óıtkeni iri qalalarda mektepterdiń jaǵdaıy óte jaqsy. Biraq aýyldaǵy balalardy da esten shyǵarmaýymyz kerek»,- deıdi jas ustaz.
Spıkerdiń sózinshe, bilim salasyndaǵy jańa ádister men tehnologııalar — zaman talaby.
«Bilim salasynda jańa ádister men tehnologııalar paıda boldy. Eger eskiniń bári jumys istese, jańasy paıda bolmas edi. Bul — zaman talaby. Óskeleń urpaq, atap aıtqanda, oqýshylar ózgeshe kózqarasty talap etedi. Qazir tehnologııa zamany. Sondyqtan oqýshylarmen osy zamanǵa saı jumys isteý kerek. Negizi qashyqtan oqytý burynnan bar. Ony kóbine joǵary oqý oryndarynyń professorlary lektsııa oqyǵanda qoldanady.
Keıin pandemııaǵa baılanysty bilim berý salasy tolyq soǵan kóshti. Bul oqytýdyń basqa deńgeıi, erekshe tásili boldy. Meniń oıymsha, ustazdar men oqýshylar tájirbıe jınady»,- deıdi tıktoker muǵalim.
