Oqýshylardyń ǵylymı baıqaýy alǵash ret onlaın rejımde ótti

ASTANA. QazAqparat - Respýblıkalyq mektep oqýshylarynyń ǵylymı jobalardy qorǵaý baıqaýy tikeleı efırde kórsetildi. Bul týraly «Tsıfrlyq Qazaqstan» memlekettik baǵdarlamasynyń Feısbýk paraqshasynda jazylǵan, dep habarlaıdy QazAqparat tilshisi.

Bul bastamany QR Bilim jáne ǵylym mınıstrligine qarasty «Daryn» ǵylymı-praktıkalyq ortalyǵy júzege asyrdy.

Ǵylymı baıqaý 13-16 aqpan aralyǵynda Almatyda ótti. Bıylǵy jyldyń jańashyldyǵy - oqýshylar saıysyn tikeleı efırden kez kelgen adam tamashalaı alady. Jas ǵalymdardyń jobasy 19 sektsııa boıynsha ótti, atap aıtqanda fızıka, ınformatıka, bıologııa, hımııa, ekonomıka, tarıh jáne taǵy basqa pánder.

Jobaǵa elimizdiń barlyq óńirinen 625 ǵylymı joba qatysty. Onlaın kórsetilim Edu.mail.kz ulttyq bilim berý ashyq platformasynda júrigizildi. Ondaǵy málimetke sáıkes, atalǵan sharany eki kúnniń ishinde 132 myńnan asa ınternet qoldanýshysy qarap, baqylaǵan. Eń kóp onlaın baqylaý bıologııa, hımııa jáne fızıka sektsııasy boıynsha tirkeldi.