Oqýshylardyń 51-shi Halyqaralyq matematıkadan olımpıadaǵa qatysýshylardy tirkeý aqpannyń 16-synan bastalady

dep habarlaıdy QazAqparat olımpıadanyń resmı saıtyna silteme jasap.

Qatysýshylar HMO-nyń resmı saıtynda on-laın rejıminde qajetti rásimdeýlerden ótýi tıis. Mektep oqýshylary naýryzdyń 1-ine deıin, al jetekshiler, olardyń orynbasarlary men baqylaýshylar - sáýirdiń 30-yna deıin tirkele alady. QR Bilim jáne ǵylym mınıstrliginiń «Daryn» respýblıkalyq ǵylymı-tájirıbelik ortalyǵynda málimdegenindeı, olımpıadaǵa 600-den astam oqýshy, 300-den astam komanda jetekshileri men olardyń orynbasarlary, sondaı-aq álemniń 110 elinen baqylaýshy qatysady dep kútilýde.

HMO - álemdegi bedeldi ǵylymı jarystarynyń biri bolyp sanalady. 1959 jyly Rýmynııada ótken alǵashqy olımpıadaǵa 7 el qatyssa, sońǵysy - 2009 jyldyń shilde aıynda Bremen qalasynda ótken jarystyń qatysýshylarynyń sany 104-ke deıin ósti. Al Qazaqstan HMO-ǵa 1992 jyldan bastap baqylaýshy retinde qatysa bastady. 1993 jyly bizdiń el HMO-nyń tolyq múshesi boldy.