Oqýshylardy qutqaryp, ózi apatqa ushyrady
BІShKEK. QazAqparat - Bishkekte jol qaýipsizdigin qamtamasyz etý jónindegi basqarma qyzmetkeri oqýshylardy qutqaryp, ózi jol-kólik oqıǵasyna ushyrady, dep habarlaıdy «Kabar» agenttigi vedomstvonyń baspasóz qyzmetine silteme jasap.
Onyń málimetterinshe, jol apaty búgin saǵat 8:00-de oryn alǵan.
«Bizdiń qyzmetkerimiz Shý dańǵyly men Osmonqul kóshesiniń qıylysynda balalarǵa joldan ótýge kómektesip turdy. Ózderine qaraı jaqyndap qalǵan júk kóligin kórgen ol eki balany qutqarý úshin mashına aldyna jalma-jan kese-kóldeneń tura qalǵan. Qatty soqqy saldarynan jaraqattanǵan qyzmetker aýrýhanaǵa jetkizildi», - dep habarlady baspasóz qyzmetinde.
Qazirgi kezde júrgizýshi ustalyp, onyń kóligi aıyppul turaǵyna qoıyldy.
