Oqýshylardy qashyqtan oqytý vırýs juqtyrýdy 50 paıyz tómendetti – Jeńis Qasymbek
NUR-SULTAN. QazAqparat – Qaraǵandy oblysynda mektep oqýshylaryn qashyqtan oqý rejımine kóshirý syrqattanýshylyq deńgeıin 50 paıyzdan astamǵa tómendetýge múmkindik berdi.
Bul týraly búgin Úkimet otyrysynda Qaraǵandy oblysynyń ákimi Jeńis Qasymbek aıtty, dep habarlaıdy QazAqparat tilshisi.
«Osy jyldyń 17 mamyryndaǵy jaǵdaı boıynsha Qaraǵandy oblysynda koronavırýs ınfektsııasynyń 28 222 zerthanalyq rastalǵan jaǵdaıy tirkeldi. Reprodýktıvtilik sany 1,16 quraıdy. Oblysta 4 899 ınfektsııalyq tósek-oryn bar. Onyń ishinde 399 reanımatsııalyq tósek-oryn qarastyrylǵan. Infektsııalyq tósek-oryn júktemesi 34 paıyz bolsa, reanımatsııalyq tósek-oryn júktemesi 19 paıyzdy quraıdy. 2020 jyly koronavırýs ınfektsııasy jańa tolqynyna daıyndyqtyń jedel josparyn iske asyrý ınfektsııalyq gospıtal retinde beıimdelgen ǵımarattardan bas tartyp, koronavırs kezinde medıtsınalyq kómek kórsetý standarttaryna saı keletin nysandardy ǵana paıdalanýǵa múmkindik berdi»,- dedi ol.
Óńir basshynyń aıtýynsha, statsıonarlar men emhanalarda dárilik zattar men jeke qorǵanys quraldarynyń úsh aılyq qory qamtamasyz etilgen.
«Epıdemııaǵa qarsy qabyldanǵan is-sharalar aýrýdyń tez ósýine jol bermedi. Osylaısha, aımaqtyń densaýlyq saqtaý júıesine júktemeniń kúrt artýyna jol berilgen joq. Shekteý sharalary uıymdasqan eńbek ujymdarynda, birinshi kezekte júıe quraýshy kásiporyndarda olardyń ádettegi jumys rejımin saqtaı otyryp, aýrý oshaqtaryna paıda bolýyn azaıtýǵa múmkindik berdi. Qazirgi ýaqytta oblysta úı oshaqtary basym. Bul rette negizgi júkteme 800 myńnan astam turǵyny bar Qaraǵandy qalasy men 4 seriktes qalanyń aýmaǵyna túsedi. Qaraǵandy aglomeratsııasy aıasynda karantın is-sharalaryn kúsheıte otyryp, oblystyń basqa óńirlerine ınfektsııanyń taralýyn tejeı alamyz. Mektep oqýshylaryn qashyqtan oqý rejımine kóshirý syrqattanýshylyq deńgeıin 50 paıyzdan astamǵa tómendetýge múmkindik berdi»,- dedi Jeńis Qasymbek.
Onyń dereginshe, óńirde 70 189 adam tolyq vaktsına aldy. Birinshi komponentpen 144 352 qamtyldy. Bekitilgen merzimge sáıkes, mamyr aıynyń sońyna deıin 105 myń oblys turǵynyn vaktsınatsııalaý tolyǵymen aıaqtalady.
