Oqýshylardy avtobýspen tasymaldaý: Astanada «Mektep bus» jobasy jandanbaq
ASTANA. QazAqparat - «Astana LRT» JShS jýyq arada «Mektep bus» jobasy aıasynda qaıtadan arnaıy avtobýstardy shyǵaratyn bolady. Bul týraly QazAqparat tilshisine «Astana LRT» JShS qoǵammen baılanys departamentiniń basshysy Naýat Azanbaeva málim etti, dep habarlaıdy QazAqparat tilshisi.
«Esterińizde bolsa, «Mektep bus» jobasyn osy jyldyń naýryz aıynda bastaǵan edik. Alaıda byltyr oqý jyly aıaqtalyp kele jatqannan keıin ata-analardyń kóbi oǵan qyzyǵýshylyq bildirgen joq. Endigi kezekte osy qazan aıynda jobany bastap ketýdi qaıta josparlap otyrmyz. Sebebi, ata-analar tarapynan qyzyǵýshylyq zor. Osy ýaqytqa deıin 330-ǵa taqaý ótinim kelip tústi. Negizinen Nazarbaev Zııatkerlik mektebiniń, «Nur-Orda», №17, №81 jáne Qosshydaǵy mektep oqýshylarynyń ata-analary balalaryn arnaıy avtobýspen jetkizýge nıet bildirýde», - deıdi Naýat Azanbaeva.
«Mektep bus» jobasynyń artyqshylyǵy - «Astana LRT» JShS-nyń arnaıy avtobýstary balany mektepke alyp ketip, qaıtar ýaqytta qaıta úıine (úıine eń jaqyn aıaldamaǵa) jetkizedi. Atalmysh qyzmet bir balaǵa - 20 myń teńge. Dese de, bir otbasydan eki bala mektepke barǵan jaǵdaıda jeńildikter qarastyrylady. Ondaı otbasylarǵa naqty qandaı jeńildikter beriletinin kompanııa ázirge talqylap jatyr.
««Astana LRT» JShS-dan atalmysh joba úshin qansha avtobýs shyǵatyny áli belgisiz. Sebebi, ótinimder áli de qabyldanyp jatyr. ıAǵnı, bári bala sanyna baılanysty. Ekinshiden, belgili bir mektepten 15 baladan asqanda ǵana avtobýs shyǵarýdy uıǵaryp otyrmyz», - deıdi Naýat Azanbaeva.
Eske sala ketsek, «Astana LRT» kompanııasy mektep oqýshylaryn tasymaldaý boıynsha «Mektep bus» pılottyq jobasyn osy jyldyń naýryz aıynda bastaǵan bolatyn. Atalǵan jobany júzege asyrý arqyly mektep tasymalyndaǵy biryńǵaı standarttyń bolmaýy, oqýshylardyń qoǵamdyq kólikte keleńsiz oqıǵalarǵa ushyraýy, tańǵy ýaqytta keptelistiń týyndaýy syndy birqatar máseleni sheshýge bolady.
