Oqýshylar úshin medıtsınalyq kómek kórsetýdi uıymdastyrý standarty ázirlenýde - QR DSÁDM
Mınıstrliktiń baspasóz qyzmetiniń habarlaýynsha, sharaǵa QR DSÁDM jaýapty hatshysy, vıtse-mınıstrler, komıtet tóraǵalary, mınıstrliktiń qurylymdyq bólimsheleriniń jáne vedomstvoǵa baǵynysty uıymdardyń basshylary, beınebaılanys rejıminde - oblys, Astana, Almaty qalalary ákimderiniń orynbasarlary, densaýlyq saqtaý basqarmalarynyń basshylary, QR DSÁDM Medıtsınalyq qyzmetke aqy tóleý komıteti men Medıtsınalyq jáne farmatsevtıkalyq qyzmetti baqylaý komıteti departamentteriniń dırektorlary, medıtsınalyq JOO rektorlary qatysty.
Otyrys barysynda negizgi áleýmettik máni bar, juqpaly emes aýrýlar men eldiń demografııalyq ahýalyna aıtarlyqtaı áseri bar 5 aýrý: mıokardtyń jiti ınfarkti, mıdaǵy qan aınalymynyń aýyr aýytqýlary (ınsýlt), qaterli isik aýrýlary, synyqtar, júktilik jáne bosandyrý boıynsha medıtsınalyq kómek kórsetýdiń biriktirilgen úlgisin engizý boıynsha úılestirý keńesiniń jumysy qorytyndylandy.
QR Densaýlyq saqtaý jáne áleýmettik damý vıtse-mınıstri Alekseı Tsoı «Kezeksiz emhanalar» ımıdjdik jobasyn júzege asyrý týraly málimdedi.
«Medıtsınalyq-sanıtarlyq alǵashqy kómek (ári qaraı - MSAK) kórsetýdiń 294 uıymynda kezekterdi tómendetý boıynsha sharalardyń monıtorıngi júrgizilip, nátıjesinde barlyq aımaqtarda sozylmaly aýrýlary bar adamdarǵa arnalǵan tegin dáriler retseptisin berý protsedýralary jeńildetilgeni - onyń 3 aıǵa bir merzimde beriletini anyqtaldy. Ambýlatorlyq-emhanalyq kómek kórsetetin 286 uıymda tirkeý ornyna qońyraý shalý arqyly patsıentterdi aldyn-ala dárigerge jazý nemese úıge shaqyrý sharalary engizilgen. 290 MSAK uıymdarynda shuǵyl kómek qajet etetin patsıentter úshin súzgi-kabınetter men dárigerge deıingi kabınetter, al profılaktıkalyq tekserilý maqsatynda kelgen patsıentter úshin 282 skrınıngtik kabınet qyzmet kórsetedi. Barlyq aımaqtarda Patsıentterdi qoldaý qyzmeti men «Qazir jáne dál osy jerde» qaǵıdasymen qyzmet kórsetetin senim telefony jumys isteıdi», - dep aıtty Vıtse-mınıstr.
Sondaı-aq otyrys barysynda mekteptegi medıtsına máseleleri talqylandy.
«Aǵymdaǵy jylǵy 1 maýsymdaǵy jaǵdaıǵa sáıkes kúntizbelik jospar boıynsha profılaktıkalyq tekserý sharalarymen 2,6 mln oqýshy (97,9%) qamtyldy. Dıspanserlik esepke 305,8 myń oqýshy (11,4%) tirkeldi. Profılaktıkalyq tekserý nátıjesi boıynsha densaýlyq toptary qurylyp, oqýshylardy jazǵy demalys kezinde saýyqtyrýdyń jeke jospary jasaldy. Maýsym aıynda 1,2 mln. oqýshy saýyqtyrý sharalarymen qamtyldy», - dep habarlady Alekseı Tsoı.
Bilim berý uıymdaryndaǵy oqýshylar úshin medıtsınalyq kómek kórsetýdi uıymdastyrý standartyn daıyndaý aıaqtalyp keledi. 2017 jyly mektep oqýshylarynyń densaýlyǵy jaıly aqparatty elektrondy tasymaldaýshyǵa aýystyrý josparlanyp otyr.
Sonymen qatar, jıyn barysynda Qaraǵandy jáne Pavlodar oblystaryndaǵy kúıdirgimen syrqattanǵan adamdardy emdeý men onyń aldyn alý; ımmýndaý boıynsha áleýmettik jumyldyrý men halyqty aqparattandyrý; ambýlatorlyq deńgeıde dárilermen qamtamasyz etý; medıtsınalyq bilim berý men adamı resýrstardy basqarý júıelerin jetildirý máseleleri; mindetti áleýmettik medıtsınalyq saqtandyrýdy engizý sharalary (ári qaraı - MÁMS) talqylandy.
Alqa májilisinde sóz sóılegen Tamara Dúısenova aýrýlardyń aldyn alý men alǵashqy medıtsınalyq-sanıtarlyq kómek qyzmetin jetildirýge negizdelgen, árbir patsıentke baǵyttalǵan otandyq densaýlyq saqtaý salasyn damytýǵa bar kúsh-jigerdi salý kerektigin atap aıtty.
Jıyndy qorytyndylaı kele, Tamara Dúısenova jumysty barlyq baǵytta jandanlyryp, ásirese, medıtsınalyq kómek kórsetýdiń biriktirilgen úlgisi men MÁMS-ti engizý máselelerine jan-jaqty qarastyrýdy tapsyrdy.