Oqýshylar tanymal kásipkerlermen birge óz jobasyn iske qospaq
«Bul olımpıada dástúrli olımpıadalarmen salystyrǵanda basqa ádispen uıymdastyrylyp otyr. Negizgi maqsat - oqýshylardyń jobalaryn ári qaraı damytý jáne óndiriske engizý. Olımpıada osynysymen erekshelendi. Mundaı olımpıada elimizde alǵash ret ótkizilip otyrǵanyn da atap ótkim keledi. Olımpıadaǵa «Samruk-Kazyna Trust» áleýmettik jobalardy damytý qory, QR Bilim jáne ǵylym mınıstrligi, respýblıkalyq «Daryn» ortalyǵy, Nazarbaev ýnıverısteti, Eýrazııa tehnologııalyq ýnıversıteti, «Bilim Media Group» qory qoldaý tanytty. Olımpıada fınalyna qatysqan 20 balanyń ekeýine seriktesterimiz tarapynan bilim granty, 10 oqýshyǵa kompıýterlik akademııanyń tegin oqý sertıfıkaty men baǵaly syılyqtar tabystaldy. Negizgi júlde «Mentor sertıfıkaty» dep atalady. Sertıfıkatqa ıe bolǵan oqýshylar Qazaqstanǵa tanymal kásipkerlermen birge óz jobasyn damytýǵa múmkindik alady», - dedi sharada «Qazaqstan 2050» jalpyulttyq qozǵalysy keńesiniń tóraǵasy Muhtar Mankeev.
Kelip túsken 200-ge jýyq jobanyń ishinen 20 jobany sarapshylar toby iriktep aldy. Bul 20 joba búgin kópshiliktiń qatysýymen qazylar alqasynyń aldynda qorǵaldy. Úzdik dep tanylǵan 10 jobaǵa arnaıy mentorlar bekitildi. Atap aıtqanda, «Qazaqstan 2050» jalpyulttyq qozǵalysy keńesiniń tóraǵasy Muhtar Mankeev astanalyq Sanjar Pernebaev pen Arsenıı Kolesnıchenkoǵa mentorlyq etetin bolady. Sonymen qatar, belgili kásipker Ádil Nurǵojın almatylyq Ivan Krepak pen Dıana Jalǵasqa, MOS Business Incubator kásipornynyń bas dırektory Pavel Koktyshev pavlodarlyq Kenesary Tlevberdıev pen oraldyq Qýanysh Amanǵalıǵa, «Open Technologies Group» mekemesiniń quryltaıshysy Qaırat Ahmetov aqtaýlyq Nıkıta Afanasev pen kókshetaýlyq Shahana Pogrebıtskaıaǵa, «Documentolog» jaýapkershiligi shekteýli seriktestiginiń bas dırektory Baıjan Qanafın almatylyq Shyńǵys Qýanyshbaı men astanalyq oqýshylar - Gaýhar Turǵambekova, ıAsmın Kısıkova, Karıma Sadyqovanyń birlesken jobalaryna mentorlyq etedi. 
Mentorlardyń negizgi mindeti - jobany ári qaraı damytý jáne ony halyq tutynatyn taýarǵa aınaldyrý joldaryn qarastyrý. Aldaǵy 2018 jyly mentorlar oqýshylarmen jyl boıy birge jumys isteıdi. Erekshe atap ótetin másele, mentorlardyń oqýshylarmen qalaı jumys jasap jatqandyǵyn baqylaýǵa da múmkindik qarastyrylǵan. Ol úshin «Qazaqstan 2050» jalpyulttyq qozǵalysy otandyq iri telearnadan arnaıy baǵdarlama ashyp, realıtı shoý formatynda 2018 jyldan bastap turaqty túrde kórsetip otyratyn bolady.
