Oqýshylar Roman Sklıarǵa ekologııa salasyndaǵy ǵylymı jobalaryn tanystyrdy
NUR-SULTAN. QazAqparat - QR Premer-Mınıstriniń orynbasary Roman Sklıar Nur-Sultan qalasyndaǵy №85 mektep-lıtseıiniń oqýshylaryna qorshaǵan ortaǵa zııandy faktorlardyń áseri týraly aıtyp, ekologııany saqtap qalý boıynsha paıdaly keńesterin berdi. Sondaı-aq ol oqý ornynyń aýmaǵynda oqýshylarmen birge aǵash otyrǵyzdy. Bul týraly QazAqparat primeminister.kz saıtyna silteme jasap habarlaıdy.
Respýblıkalyq ekologııalyq saǵatyn ótkizý – bul QR Ekologııa, geologııa jáne tabıǵı resýrstar, QR Bilim jáne ǵylym mınıstrlikteriniń, Qoǵamdyq mańyzy bar bastamalardy damytý qory men Ekologııalyq uıymdar qaýymdastyǵynyń birlesken bastamasy. Іs-shara Dúnıejúzilik qorshaǵan ortany qorǵaý kúnine oraı uıymdastyryldy. Bul adamzattyń nazaryn Jer shary faýnasynyń tirshilik ortasyn saqtap qalý problemasyna aýdarýǵa shaqyratyn halyqaralyq mereke.
Іs-shara barysynda Roman Sklıar joǵary synyptar oqýshylarynyń aldynda sóz sóılep, álemdegi ekologııalyq ahýaldyń qazirgi jaǵdaıy men qorshaǵan ortaǵa áser etýdiń antropogendik faktory týraly áńgimelep berdi. Búgin álemniń barlyq elderiniń úkimetterin osy problema alańdatýda. Sondyqtan olar resýrstardy utymdy paıdalanýǵa, jel, sý jáne kún qýattaryn paıdalanýǵa kóshý boıynsha baǵdarlamalar qabyldaýda.
Odan keıin Premer-Mınıstrdiń orynbasary 2-7 synyp oqýshylary arasynda ótken ekologııa salasyndaǵy ǵylymı jobalardyń prezentatsııasyna qatysyp, oqýshylardyń daıyndyǵy men osy saladaǵy bilimderiniń joǵary deńgeıin atap ótti. Sondaı-aq mektep aýmaǵynda aǵash otyrǵyzý rásimine qatysty.
