Oqýshylar prezıdenttik test tapsyrdy

   ASTANA. 7 qarasha. QazAqparat - Elordanyń mektep oqýshylary salaýatty ómir saltyn qalaı ustanady, qala oqý oryndarynda dene shynyqtyrý sabaǵy qandaı deńgeıde ótetini Prezıdenttik test kómegimen tekserildi, dep habarlady Astana qalasynyń resmı saıty. 

Bul aktsııa Qazaqstan Respýblıkasy Tuńǵysh Prezıdenti Kúnine arnalǵan is-sharalar aıasynda ótkizildi.  6-30 qazan aralyǵynda 5, 9 jáne 11 synyp oqýshylaryn «Prezıdenttik test - oqýshylardyń dene tárbıesi daıyndyǵynyń kórsetkishi» uranymen testi jarysy uıymdastyryldy.  Іs-sharany uıymdastyrýshylar - «Shyńǵys» balalar jáne jasóspirimder ortalyǵy men Astana qalasynyń  Bilim basqarmasy.   

Birinshi kezeń ótip, oǵan elordanyń 30 mektebinen 180 oqýshy qatysty. Kúsh-qýaty jaǵynan daıyndyqtaryn oqýshylar 9 dene jattyǵýy boıynsha kórsetti.

Aıta keterligi, jastar úshin test daıyndyǵyna  eki - Prezıdenttik deńgeı jáne ulttyq daıyndyq deńgeıi engizildi.   

Jeńimpazdardy marapattaý 1 jeltoqsanda Tuńǵysh Prezıdent  Kúnin merekeleý kezinde  «Astana Arena» stadıonynda ótedi.