Oqýshylar Olımpıada chempıondaryn ulyqtady
ASTANA. 31 tamyz. QazAqparat - Búgin Astanadaǵy Nazarbaev zııatkerlik mektebinde 1 qyrkúıek - Bilim kúnine arnalǵan saltanatty jıyn aıasynda «Men - Qazaqstannyń azamatymyn!» atty oqýshylar forýmy, sondaı-aq London Olımpıadasynyń chempıondaryn ulyqtaý sharasy ótti.
Nazarbaev zııatkerlik mektebiniń bıylǵy forýmy memlekettik rámizderge arnaldy. Negizgi maqsat - oqýshylardy patrıottyq rýhta tárbıelep, azamattyq ustanymdaryn qalyptastyrý. Osy ıgi bastama Olımpıada chempıondaryn ulyqtaý sharasymen jalǵasty. Mektep oqýshylary sap túzep, ánshi Erbolat Qudaıbergenovtyń patrıottyq rýhqa toly ániniń yrǵaǵymen bıylǵy London Olımpıadasynda chempıon atanǵan Qazaqstan sportshylarynyń jeńisti sátterin arnaıy beıneekrannan tamashalady. Mektep oqýshylary osy bir beınebaıannan rýh alyp jigerlendi, qaıta-qaıta qol shapalaqtaýmen boldy. Astanadaǵy Nazarbaev zııatkerlik mektebi jańa oqý jylyn osylaı bastady. 2012-2013 oqý jylynda bul mektepte 866 oqýshy bilim alady.
