Oqýshylar men stýdentterge elektrondy tsıfrlyq qoltańba berile bastady
Bıyl kórsetiletin memlekettik qyzmettiń 80 paıyzy, al 2020 jyly 90 paıyzy elektrondy formatqa ótýi tıis. Memleket basshysy Nursultan Nazarbaev halyqqa arnaǵan kezekti Joldaýynda osyndaı tapsyrma bergen edi. Ol úshin eń aldymen ár azamatta óziniń elektrondy tsıfrlyq qoltańbasy bolýy kerek. QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń SQO departamenti respýblıkada birinshi bolyp oblys kolledjderinde arnaıy aktsııa bastady.
«Ár stýdentke elektrondy tsıfrlyq qoltańba» aktsııasy oblystyń barlyq 24 oqý ornynda ótkiziledi. Shara barysynda oblystyń 17 myń stýdenti men oqyýshylary elektrondy tsıfrlyq qoltańba alady.
Bıznesti tirkeý, salyq jáne aıyppuldardy tóleý, balany balabaqsha kezegine qoıý jáne taǵy basqa qyzmetterdi 2008 jyldan beri E-gov portaly arqyly alýǵa bolady. Alaıda tsıfrlyq qoltańbanyń joqtyǵynan yńǵaıly elektrondy qyzmetti bári birdeı paıdalana almaıdy. Osy kemshilikti joıý maqsatynda 2017 jyly bilim basqarmasy men «Azamattarǵa arnalǵan úkimet» memlekettik korporatsııasy kelisimge qol qoıyp, jastardy arnaıy kýrstarda oqyta bastady.
«Jastardy E-gov portalyn paıdalanýdy úıretemiz. Keıin olar týǵan-týysqandaryn, dostaryn ınternet arqyly qajetti anyqtamalar men belgili bir qujattardy rásimdeýge kómektesip, ózderi úıretedi. Bul azamattardyń ýaqytyn únemdeıdi, tsıfrlyq saýattylyqty arttyrady», - deıdi QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń SQO departamentiniń bas mamany Indıra Bájenova.
Jalpy 2017 jyldan beri kelisim aıasynda óńirdiń 6,5 myń mektep muǵalimi men kolledj oqytýshysy jáne 12 myń oqýshy men stýdent elektrondyq qyzmet alý boıynsha kýrstardan ótti. Al memlekettik qyzmetti ár stýdent oqý ornynan shyqpaı-aq ala alady, óıtkeni óńirdiń barlyq kolledjderi men ýnıversıtette Stýdentterge qyzmet kórsetý ortalyqtary men ózine ózi qyzmet kórsetý sektorlary ashylǵan. 