Oqýshylar mektep partasynan densaýlyǵynan aıyrylýda - T.Dúısenova

ASTANA. QazAqparat - Oqýshylar mektep partasynan densaýlyǵynan aıyrylýda. Bul týraly búgin halyqpen esepti kezdesýin ótkizgen QR Densaýlyq saqtaý jáne áleýmettik damý mınıstri Tamara Dúısenova aıtty.

«Aldyn alý sharalary aýrýǵa shaldyǵý táýekelderi bar tulǵalarda ǵana jalǵastyrylmaýy kerek. Adamdardy densaýlyq saqtaý isine tarta otyryp, olardyń ózderiniń de qatysýyn qamtamasyz etý arqyly qamqorlyq jasaǵan jón. Menińshe, bul eń birinshi kezekte balalarǵa qatysty», - dedi ol.

Onyń alǵa tartqan derekterine qaraǵanda, mektep oqýshylaryn aldyn ala tekserý barysynda asqazan-ishek, kóz, tynys organdary aýrýlary kóptep tabylǵan.

«Ózderińiz kórip otyrǵandaı, mektep partasynan densaýlyqtan aıyrylýdamyz. Osyǵan oraı biz balalardy saýyqtyrý is-sharalary mektepten bastalýy qajet dep uıǵardyq. Búginde biz ózimizdiń qoǵamdyq uıymdarymyzben birlesip, «Bala-aman» jańa baǵdarlamasyn ázirledik», - dedi mınıstr.

Onyń málimetterinshe, aǵymdaǵy jyldyń qańtarynan 2,6 mıllıonnan astam bala medıtsınalyq tekserýden ótip, onyń  ishinde 306 myń oqýshy alǵash ret dıspanserlik esepke alynǵan.

«Onyń ishinde 25 myń bala demalys kezinde shıpajaılarǵa, 144 myńy statsıonarlyq em alýǵa jiberildi jáne shamamen 100 myń bala qazirgi ýaqytta ambýlatorııalyq em alýda. ıAǵnı, biz táýekel toptaryn, kim, qaıda emdeý qajettigin anyqtadyq. Bul saýyqtyrý sharalarynyń nátıjesi qyrkúıek aıynda baǵalatyn bolady», - dedi T.Dúısenova.