Oqýshylar lıgasynda bas júldege talasatyn fýtbol komandalary anyqtaldy
ASTANA. QazAqparat - Astanada Oqýshylar lıgasynyń 2002-2003 jylǵy jetkinshekteri arasyndaǵy týrnır sharyqtaý shegine jetti.
Erteń Kóktal eldimekenindegi №40 orta mekteptiń sport zalynda fınaldyq oıyn ótedi. Bas júldege №28 jáne №71 mektepter talasady.
Eki aptaǵa sozylǵan Oqýshylar lıgasynyń bul tobyna barlyǵy 56 komanda qatysqan bolatyn. Aldymen toptyq týrnır ótip, komandalar 12 topqa bólindi. Osylaısha ár toptyń eki úzdik komandasymen úshinshi oryn alǵandardyń ishinde kórsetkishi joǵary segiz komanda 1/16-fınalǵa joldama alǵan. Qaladaǵy №56 sport mektebiniń alańynda pleı-off oıyndary ótip, bas júldege talasatyn eki komanda belgili boldy.
Avtory: Alpamys Israıl. Esik bilim-ınnovatsııa lıtseıi
