Oqýshylar Jibek Joly arnasyndaǵy jańa jobaǵa qatysyp, bilim grantyn utyp ala alady

ASTANA. QazAqparat – Erteń, 22 sáýir kúni Jibek Joly telearnasynda «En Aqyldy» zııatkerlik jańa jobasy kórermenge jol tartady, dep habarlaıdy QazAqparat tilshisi.

Televıktorına 12-16 jas aralyǵyndaǵy daryndy oqýshylar arasynda ótkiziledi.

Ár oıynǵa 6 bala qatysady. Shırek fınalǵa eki oqýshy ótedi.

Jobanyń fınalısterine elimizdiń úzdik joǵary oqý oryndarynyń bilim granty beriledi.

Búginde jeńimpazdarǵa Almatydaǵy Q.Sátbaev ýnıversıteti eki grant usynýǵa ázir. Sonymen birge, ózge de joǵary oqý oryndarymen kelissóz júrip jatyr.

Baǵdarlama senbi kúnderi saǵat 11:00-de orys tilinde, al jeksenbide dál osy ýaqytta kúnderi qazaq tilinde shyǵady.