Oqýshylar áýe qorǵanysy kúshter qyzmetshileriniń jumysymen tanysty (FOTO)

ASTANA. QazAqparat - 97638 áskerı bóliminde «Jas armııashy kúni» áskerı-patrıottyq is-sharasy ótti. Atalmysh sharaǵa Serebrıansk qalasynyń №1 qamqorlyǵyndaǵy orta mektebiniń joǵary synyp oqýshylary jınaldy, dep habarlaıdy QR Qorǵanys mınıstrliginiń baspasóz qyzmeti.

Balalarǵa bólim aýmaǵynda ekskýrsııa ótkizildi. Olarǵa 97638 áskerı bóliminiń jaýyngerlik joly týraly aıtyp berdi. Oqýshylar kazarmany, ashanany, medıtsınalyq pýnkt pen ózge de nysandardy aralap shyqty. Arnaıy jasóspirimder úshin bólim áskerı qyzmetshileri alańǵa qarý túrlerin shyǵardy.

Vzvod komandırleri Kalashnıkov avtomatyn (AK-74) buzyp-qurastyrý,  qorǵaný boıynsha sabaqtar ótkizdi. Balalar qarýdy qyzyqty, olar avtomat pen tapanshalardy kórý, qolmen ustaý jáne taktıka-tehnıkalyq sıpattamasyn bilýge jaqsy múmkindik týdy.

«Qazaqstandyq patrıotızm - óz Otanynyń qaýipsizdigi men bolashaǵy úshin árbir azamattyń sanaly túrdegi jaýapkershiligi. Bul salt-dástúrdi, tarıhty, mádenıet pen memlekettik sımvoldardy qurmetteý, sondaı-aq týǵan jerge degen súıispenshilik. Qarýly Kúshterimiz jyldan jylǵa bekı túsýde jáne jetildirilýde, áskerlerge áskerı tehnıkanyń zamanaýı úlgileri kelip túsýde, áskerı kadrlardyń kásibıligi ósýde», - dedi oqýshylarǵa 97638 áskerı bóliminiń komandıri polkovnık Nurlan Mahambetov.

Bólim basshylyǵy jastarǵa qazaqstandyq patrıotızm rýhynda tárbıe berý úshin oqýshylar úshin mundaı kezdesýler men ekskýrsııalardy udaıy ótkizip turatynyn aıta ketken jón.