Oqýshylar arasyndaǵy respýblıkalyq jáne halyqaralyq olımpıadalardyń júldegerleri «Úrker» tósbelgisimen marapattaldy
ALMATY. 3 mamyr. QazAqparat - Almaty qashanda elimizdiń bilim men iliminiń rýhanı kóshbasshysy sanalady.
Almaty qalasynyń ákimi Ahmetjan Esimov búgin respýblıkalyq jáne halyqaralyq olımpıadalardyń júldegeri atanǵan úzdik oqýshylarǵa «Úrker» tósbelgisin tabys etý rásiminde osylaı aıtty.
«2009 jyldan beri rýhanı salada daryndy balalardy erekshe baǵalaý maqsatynda «Úrker» arnaıy tósbelgisimen marapattaý ıgi dástúrge aınaldy.
Jyl ótken saıyn Úrker úkilegen talanttardyń qatary tolyǵyp keledi. Alǵashqy jyly ol 78 oqýshyǵa tapsyrylǵan bolsa, búgin onyń sany 281-ge jetti. Bıylǵy «Mádenıet jyly» aıasynda ótip jatqan osynaý is-sharada mereıi ústem bolǵan oqýshylardyń jetistigi súıikti qalamyzdyń da jetistigi dep bilemiz», - dedi A. Esimov. Qala ákiminiń aıtýynsha, osyndaı jańa zamanǵa laıyqty ómirdiń ár salasynda eńbek etýge ázir shákirtter daıyndaý úshin memleketimiz barlyq jaǵdaıdy jasap otyr. Al oqýshynyń joǵary nátıjege jetýi, balaǵa tııanaqty bilim, jaqsy tálim-tárbıe bergen ustazdar men ata-analardyń ortaq eńbegi. Eldiń senim artqan zerdeli urpaǵyn ósirip, tárbıelegen ata-analarǵa jáne bilim shyńynda jetistikterge jetkizgen ustazdar qaýymyna aıtar alǵys sheksiz.
