Oqýshylar arasyndaǵy ǵylymı jobalar baıqaýynyń jeńimpazdary anyqtaldy
«Daryn» respýblıkalyq ǵylymı-praktıkalyq ortalyǵy uıymdastyrǵan jas ǵalymdar básekesi 13-16 aqpan aralyǵynda Almaty qalasynda ótti.
«Mektep oqýshylaryna arnalǵan ǵylymı joba osymen 20-shy ret uıymdastyryldy. Bıylǵy baıqaýdyń ereksheligi - oqýshylardyń ǵylymı jobalaryn qorǵaýdyń ashyqtyǵy men aıqyndylyǵyn qamtamasyz etý maqsatynda onlaın-rejımde ótti. Tikeleı kórsetilim mınıstrlik pen «Daryn» ortalyǵynyń áleýmettik jelileri arqyly júrgizildi. 18 sektsııadan turatyn ǵylymı jobanyń ótý barysy 131 891 ret qaraldy», - dep habarlaıdy QR BǴM baspasóz qyzmeti.
Baıqaýǵa 1000-ǵa jýyq jumys túsip, onyń ishinde irikteý kezeńinen ótken 625 joba avtory óz jumysyn qorǵaýǵa joldama aldy.
Mınıstrliktiń málimetine súıensek, ǵylymı jobanyń qorytyndysy boıynsha I dárejeli dıplom jáne altyn medalmen 60 jeńimpaz (49 joba), ІІ dárejeli dıplom jáne kúmis medalmen 103 júldeger (79 joba) jáne ІІІ dárejeli dıplom, ıaǵnı qola júldemen 176 (130 joba) jas ǵalym marapattaldy.
Komandalyq esep boıynsha jarystyń bas júldesin Nazarbaev zııatkerlik mektebiniń oqýshylary ıelendi. Odan bólek, birinshi oryndy Almaty qalasy, ekinshi oryndy Pavlodar oblysy jáne úshinshi oryndy Jambyl men ShQO oqýshylary ózara bólisti.
«Ǵylymı jobanyń jeńimpaz qurama komandasy osy jyldyń 12-17 mamyr aralyǵynda AQSh-tyń Fenıks qalasynda ótetin jyl saıynǵy Intel ISEF-2019 halyqaralyq ǵylymı jobalar baıqaýyna óz jumystaryn usynady», -delingen habarlamada.