Oqýshylar arasyndaǵy «Alǵashqy kómek kórsetý jáne órt kezinde kóshirý» jarysy aıaqtaldy

Jarysqa Almaty qalalyq aýdandar arasynan jeńip shyqqan jeti komanda qatysty. Olar Bostandyq aýdandyq № 94, Medeý aýdandyq №33, Áýezov aýdandyq №97, Jetisý aýdandyq №03, Almaly aýdandyq №79, Alataý aýdandyq №82, Túrkisib aýdandyq №59 mektep-gımnazııalar.

Oqýshylar alǵashqy kómek kórsetý men órt kezinde qaýipsiz jerge shyǵarý kórinisterin kórsetti. Sońǵy bir aıda olarmen birge Ulttyq Qyzyl jarty aı qoǵamy jumys istep, barlyq amal-tásilderin úıretken.

Atalmysh jarysty DIPECHO VI jobasy aıasynda Halyqaralyq Qyzyl Krest birlestigi jáne Qazaqstan Respýblıkasynyń Ulttyq Qyzyl jarty aı qoǵamy uıymdastyrylyp otyr. Joba «Orta Azııadaǵy apattardyń qaýiptiligin tómendetý arqyly qoǵamdastyqtardyń tótenshe jaǵdaılarǵa uzaq merzimdi turaqtylyǵyn qurý» dep atalady.

Jobanyń basty maqsaty - alys-shalǵaı ornalasqan apatty aımaq turǵyndaryna barynsha kómek kórsetý. Olarǵa qoldan keletin kómekter men alǵashqy qutqarý jumystaryn úıretý bolap tabylady.

Qazaqstan Respýblıkasy jer silkinisi, sý tasqyny, kóshkin jáne sel sııaqty tabıǵat opattary oryn alatyn el bolǵandyqtan Ulttyq Qyzyl jarty aı qoǵamy 2007 jyldan beri eýropalyq áriptesterdiń qoldaýymen elimizde ár túrli aldyn alý sharalaryn ótkizip keledi.

Joba boıynsha atqarylyp jatqan jumystardyń bári QR Tótenshe jaǵdaılar mınıstrligimen, Bilim uıymdarymen, sondaı-aq, aımaqtyq basqarý oryndarymen kelisilip, birge atqarylady.

Jarys sońynda 1-oryndy Almaly aýdandyq № 79-gımnazııasy jeńip aldy. Al, 2-oryn Medeý aýdandyq № 33 mektepke berildi. Sondaı-aq, 3-oryndy №97 mektep qanaǵat tutty.

Jeńimpazdarǵa baǵaly syılyqtar tapsyryldy. Al, qatysýshylarǵa Ulttyq Qyzyl jarty aı qoǵamynyń kúnqaǵarlary men fýtbolkalary berildi.